Ekipa Anti-Doping hosi Ministerio da Juventude, Desporto, Arte e Cultura (MJDAC) kompostu hosi Cesarino da Silva, David Tomas de Deus no Kerry Pither Cristalina Galhos, iha segunda-feira, loron 24 fulan Marsu tinan 2024 hasoru malu ho Diretur Geral SEARADO, Sr. Gobinathan Nair iha edifisiu SEARADO iha Stadium – Sport Singapore hodi hetan briefing konaba lala’ok estabelesimentu National Anti-Doping Organizational (NADO) iha Timor-Leste ho ninia funsionamentu.
Ekipa ne’e mos halo vizita ba National Youth Sports Institute hodi rona kona ba programa mak institutu ne’e halo ba dezenvolvimentu juventude, partikularmente oinsa apoiu joven sira bele deskobre potensialidade talentu iha area desportu. No mos hetan isplikasaun husi Sra. Irene Tan, nebe hala’o funsaun hanesan Doping Control Officer (DCO) and Theraupeutic Use Exemptions (TUE) and Admin Trainer hosi SEARADO.
Atividade estudu vizita ida ne’e hetan apoiu orsamentu hosi UNESCO liu hosi kooperasaun entre Ministerio da Juventude, Desporto, Arte e Cultura (MJDAC) ho UNESCO.